爺爺:

今日收到你有cancer既消息，簡直好似晴天霹靂一樣，知道你身體一直都唔好，但係從來都無諗過由今日開始你只有3個月的光陰，即使手術成功都只有24個月，即使係咁，我依然好希望個天會幫爺爺，希望上天比多24個月我地!

你知道嗎?一直以來，我都好錫你，但係我地屋企個個都係咁，錫只係會係個心度，從來都唔識得表現出來，平日只係識得大大聲聲，一點都不懂得溫柔!仲記得細細個，你會咬瓜子我食，會帶我地去大笨象公園，會為我而生氣，會為左老豆破壞左屋企而嬲，會鬧我地嘈，係屋企走來走去，我求下你，你好似以前咁大聲鬧我地，你做番大聲公啦!我仲未生BB，你仲未做太公....

依家真係好想見到你，可惜，我同細佬都要番工，好想同你過每一日，一齊去共度呢一段日子.....細佬知道左，佢同我一樣，可能眼淚留得比我多，證明佢都已經成長緊，你唔洗擔心咁多，我會好好咁睇住細佬，你記得休息多D!

我答應你我會好好珍惜每一日，一有時間我會第一時間番黎探你，所以你要堅持呀!
願老天爺會保佑我們!

孫女~茵茵