2023.5.24-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,717 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.5.21 《前一篇

後一篇》 2023.5.26

回應

給他日記貼紙

給他愛的鼓勵

檢舉

篇名: 2023.5.24
作者: C	日期: 2023.05.24　　天氣: 　心情:

今仔日是五月二四，禮拜三。我佇辦公室摸非。
今仔日延紲昨昏的代誌：
話講：昨昏中晝，原本一切正常，我佇洪仔的廠欲鎮殿。
結果洪仔較彼名員工，講伊烏白寫。員工的開始花。甚至對主管洪仔無禮貌。
我佇後壁看袂落去，前去了解。
彼名丑仔開始擅動後壁其他員工，予規間亂操操。
後壁員工嘛開始吵鬧。
針對工場管理，咱攏袂當出手。毋過狀況已經無法度控制，
隨然洪仔有擋我，我嘛是抽椅仔予丑仔拔落塗跤。
遮袂直矣。其他員工開始叫，喝拍人喔。
洪仔叫閣壁涂仔來共丑仔取走，我嘛退到後壁。
遐的員工開始共我睨，袂輸冤仇結外大。
因為捌廠有代誌，先離開，有幾个仔，隨走落去揣總部的人來，
風向煞變成是我拍人。
閣過總部的人，毋是來看我，就是敲電話揣我。
下班前，高總叫我去問。我就共事情原本攏講一遍。
原本閒閒，煞比普通時攏閣較悿。

暗時洪仔叫我敲電話去共丑仔兜掰會
因老爸一開始就江湖氣口講我鱸鰻，我就靜靜聽伊講完
隨共中晝代誌講一遍。
講較欲半點鐘，知影代誌發生經過，伊嘛淂著我是傷急，出手傷緊，才滿意結束
代誌會使大會使細。伊閣搬出熟似議員的話來半咧嚇。
雖然知影代誌欲煞矣，毋過我規暝攏歹睏。

透早我先去樓頂共觀世音菩薩拜拜，求這件代誌會圓滿結束
八點半洪仔敲電話來，講杜桑來過矣。
洪仔希望我停仔嘛過去案內一下。
毋過太太欲來叫我去土地公廟拜拜求平安一下，
我就先去求予代誌圓滿。
結果藉著分資料的理由過，頭家陳董較秘書敲電話落去說明。
我就趁機會共這幾日來的代誌攏做一擺說明。

代誌應該會當煞。
中晝頭家就招周總做伙去看食飯。

我是為著公司拚命，頂頭攏叫我愛先保護家己
無法度，食人飯，犯人問，我領薪水嘛愛有責任，袂使秤採做做應付。

公司內底會管的毋幾个，若員工欲歹教，我看公司早晚會倒。

標籤:

瀏覽次數:181 人氣指數:181 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：