2022.9.9-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.9.3 《前一篇

後一篇》 2022.9.11

回應

給他日記貼紙

給他愛的鼓勵

檢舉

篇名: 2022.9.9
作者: C	日期: 2022.09.09　　天氣: 　心情:

今仔日是九月初九，禮拜五。因為中秋公司補假，我佇葛雷多摸非
小可記一下這幾日：
9/3(六)透早摸非煞去庄跤載阿爸。園仔內草仔發甲攏無法度行矣。
回頭去岡山買餅轉來，
中晝佮太太囡仔去漢神巨蛋，太太約另外一个噗噗路家長欲買琴。結果傷晏到。
佇遐看著另外一家伙仔嘛咧看琴。兩個囝仔誠摮彈，驚死人。
9/4(日)阿爸透早去園仔轉來，伊講園仔外口予人擲糞埽。毋知欲按怎。
9/5(一)
9/6(二)下晡下班載學姊時陣，講明仔載欲接囡仔，無法度載伊。
下晡三舅來，阿姐嘛來。講著園仔糞埽代誌。
無知欲共環保局講抑是報警察。想著有可能閣愛開一條錢處理，真疲勞。
別人凊彩一下方便，咱就愛家己了錢了工去清，誠無公平。

9/7(三)下晡參加一个讀冊的研習會。毋過毋啥爽快，先落跑。無載學姐。
去接囡仔，先取轉來，因為約一个調音師欲來厝裡巡鋼琴調音，
調音師鳳山來的，人誠斯文。一來才知，這台鋼琴三十冬無調音矣，因為濕氣，音攏袂啥準
伊講毋敢一下就調傷緪，愛捷調，絃仔才袂斷。
原來三十冬前阿姐嘛是共伊買，第一擺嘛是伊來調的。紲落來阿姐是請另外一位調音師
向時一冬來調兩擺，調三冬。閣過就無矣。
我共崁布提去洗提去披，絨布驚勼水，伊講若勼水，就崁頂懸就好，因為全崁就驚濕氣佇內底
阿母講阿爸較阿母敲電話予阿妙阿姨問看覓，結果阿妙阿姨敲電話予里長，里長講伊欲處理
按呢誠好。
9/8(四)下晡下班予太太先去接囡仔，伊以為我會去，結果我講我趕袂赴。
伊先取囡仔，予伊佇學校內底踢跤球，彼个跤球阿公今仔有來，教囡仔踢球愛看頭前。
暗時囡仔班親會，六點半開始，阮先去食飯，去學校後壁一間路邊日本料理店食卵包飯，我點一碗鴨肉飯，較貴。
昏暗我是第一擺以家長身分參加班親會。
老師確實無簡單，誠有活力。但是好聽話逐个攏愛曉講，嘛是愛看以後囡仔表現就知。

標籤:

瀏覽次數:196 人氣指數:196 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：