2022.8.3-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.7.28 《前一篇

後一篇》 2022.8.5

回應

給他日記貼紙

給他愛的鼓勵

檢舉

篇名: 2022.8.3
作者: C	日期: 2022.08.03　　天氣: 　心情:

今仔日是八月初三禮拜三，我佇葛雷多摸非。
昨暗收到爸爸節禮物-太太買一粒手錶仔予我，是名牌喔。
攏毋甘掛，收佇篋仔內。

7/28(四)因為暗時囝仔畢業典禮。我中晝就和太太取伊去附近公園邊仔時中晝
閣揣一間咖啡廳摸非等暗時。結果愈悿，早若知就先轉來歇睏。
囝仔得獎-常識領域。我攏笑講因為語文、數學、英語閣畫圖無好，只好得常識獎。
主持人紹介伊是班上年紀上細漢的，(我就笑講毋過家長是年紀上老的)
到厝了，老師line講班上有人確診，所以隔日袂當去學校。吼~本來想隔日閣愛去同樂會...

7/29(五)透早我轉去公司款予人後禮拜檢查蠓仔，先去囝仔學校提被仔轉來。
太太取囡仔去公司上班。

7/30(六)阿爸透早佮去園裡，結果落雨趕轉來，煞袂記紮皮包仔轉來。

7/31(日)今仔日欲取阿爸阿母佮太太囡仔去台南南元花園農場度假
太太前幾日就訂矣，我毋捌來過。
先去園仔提阿爸的皮包仔，內底有證件。
隨上高速，轉台88向東接三號。
落烏山頭出口，導航揣路，就到農場矣。
因為三點才會當去房間，就先佇遐時中晝。四人份的桌菜一千箍。
食了就在園區踅，誠闊。三點取去房間，是小木屋，
暗頓嘛佇遐食，就麻煩頭家換菜，換和中晝毋仝的菜。

8/1(一)透早六點囝仔就叫我起來陪伊耍
佇庄跤就是愛早起，毋才會鼻到草仔味。所以我就陪一起來耍飛盤
閣四界踅，行起去好漢坡....踅湖邊一輪
透早早頓八點才來，直接送到門口，毋過無好食。
到十點外才退房。
聽太太的建議，駛去市區藍晒圖看看踅踅咧
中晝佇百貨公司食中晝。
轉來到厝三點外。
本來這擺度假是計畫欲去曾文水庫，結果按呢嘛耍甲真歡喜。

8/2(二)囡仔去新學校-附近的國小附幼。
我佮太太作伙取伊去，
閣和太太去hido摸非。
昨暝囝仔和我欲睏時耍一下，目鏡煞害去，太太就載我去配，毋過猶未開門。
中晝過我食飽行去合，愛拜五才會好。
下晡五點去接囝仔下課，先陪伊佇學校耍一睏。
伊討欲食棒棒糖，我和伊約束，若會當爬起去遊戲區彼个梯第五層就有。
伊真正爬起去。我就和伊去711買一條七七乳加巧克力。

透早聽著阿姆講五婆過身，頂禮拜六阿仁阿舅看五婆房間中晝猶未開門。
入去叫才知影無氣。
我頂禮拜去提機仔才和伊講話，彼陣伊就倒佇床頂無起來，毋過猶會和我講話，叫我莫做傷久。
阿母閣講菜市仔賣果子彼个龜毛仔嘛過身矣，
這站仔老人一个一个無去矣。

8/3(三)我先去里歐買早頓，閣來葛雷多摸非
轉去了，叫囝仔起床。我愛在阿爸阿母轉去庄跤舊厝收厝稅
麵羹阿英前幾工敲來問當時收，我和伊約拜三。

標籤:

瀏覽次數:207 人氣指數:407 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：