2022.7.15-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.7.6 《前一篇

後一篇》 2022.7.16

回應

給他日記貼紙

給他愛的鼓勵

檢舉

篇名: 2022.7.15
作者: C	日期: 2022.07.15　　天氣: 　心情:

今仔日是七月十五，禮拜五，我佇葛雷多摸非，我轉來矣。
陪太太囡仔流浪到中北部成禮拜，有傷濟欲寫，但是簡單記一下就好。
頂禮拜六倚中晝出門，坐高鐵點外鐘隨到台中。結果3號公車徙去台鐵站彼爿。
傷青狂袂記先買伴手。駛成點鐘才到。太太佮囡仔已經佇遐等。
台中佇兩工，拜一倚晝出門去坐公車到高鐵站，閣坐點外鐘到台北
太太訂的飯店佇台北車頭附近，愛轉捷運一站就到
紲落來三工攏蹛佇遐，八樓
房間袂當食薰，攏愛落來亭仔跤食。
第一工下晡先去淡水，囡仔誠興奮，第一擺坐台北捷運淡水線
平常時伊攏一直看地圖，這擺隨用著
淡水誠濟店無開，踅歸晡攏揣無通好坐落來食
其實三个人攏誠悿，行路行甲險變面
尾仔囡仔講欲坐船過八里
食物件了才閣坐轉來
閣坐捷運往象山方向轉來
第二工透早欲坐平溪線(待續)
我先落去樓跤食薰，踅一輪，才發覺鞭仔就是晶華酒店
以早台北阿丈阿姑嫁查某囝就是佇遮。
因為驚囡仔時早頓愛另外收四百箍，無價值，就與伊先佇房間看電視。
時飽了才取伊去食摩斯。
坐捷運一站去台北車頭換火車，坐到瑞芳，買平溪線的票
因為時間有限，就決定落幾站就好，
先坐到菁桐，閣轉來平溪，閣去十分，猴硐就無落去矣(待續)

這擺囡仔有新體驗，就是看人放天燈。
其實透中晝行路踅街，對一个囡仔疕有影較困難
無睏晝閣想欲耍，悿的時陣就較花

佇菁桐落來買一罐涼的，翕一下仔相就回程矣
小可無彩
落平溪了，行老街，若無趕應該有通踅
毋過，山城景色佮商業化之間，我身為一个取囡仔的人，
後者才會當予人踅較久
先買煙腸，閣食豆花，
差不多一點鐘久，就閣坐後班車去十分寮
十分寮莫怪誠濟人落車
除了沿鐵路的店仔以外，嘛有提供放天燈服務
閣會當行佇鐵支路頂，囡仔上愛。
無去看瀑布，一方面遠，悿，閣取囡仔驚危險
買一罐椰子水佮囡仔公家食，驚伊食傷濟傷冷
一點鐘後就轉去瑞芳趕往台北的車
佇松山站落車補票，買小火車玩具，囡仔揀淡水捷運彼款
坐松山新店線捷運轉去中山站
囡仔會曉看方向誠厲害

第三日透早去囡仔食飯店早頓，原來囡仔猶細漢免收錢
結果伊真正食無幾項。
這工計畫去動物園佮坐貓纜
先坐淡水線往象山方向，佇大安落車，轉文湖線
坐到底就是動物園站
動物園門口閣行差不多三百公尺就到貓纜動物園站
買兩張大人票，囡仔細漢免錢
一直等水晶車廂，太太佇邊仔踅踅念，講無彩時間
結果一來，真正驚死人，跤若無踏底咧
我開視訊和阿爸阿母講話，予伊看水晶車廂的景致
到貓空站落車，起去看看，若暗頭仔佇遮泡茶看風景應該誠四序
回程佇動物園南門落車，
大人買票，囡仔免錢。
入去動物園拄好有遊園車，坐到徛鵝館
太太以早捌來過，一直相，囡仔嘛學徛鵝行路
結果沿路那行那看，(待續)

標籤:

瀏覽次數:216 人氣指數:416 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：