2022.6.4-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.5.21 《前一篇

後一篇》 2022.6.26

回應

給他日記貼紙

給他愛的鼓勵

檢舉

篇名: 2022.6.4
作者: C	日期: 2022.06.04　　天氣: 　心情:

今仔日是六月初四，禮拜六。透早落雨，我佇葛雷多摸非。
五日節連假歇睏，今仔第二日，停仔欲去台中。
昨昏早仔，先載阿母去買粽，才來遮摸非。
昨昏買兩摜，2000箍。起價矣。轉來隨款拜拜，了才來摸非。
昨昏從做主持稿，為著重拍名單，開袂少時間。
轉去了較晏，陪囡仔一時仔了，閣載阿母去庄跤揣阿爸。
倚中晝轉去舊厝收厝稅。
太太佇厝用大跤桶囥佇門跤口，貯水予囡仔穿游泳衫耍水，
閣另外承一面桶午時水。
下晡轉去了囡仔一直看電視，四點時取出去食豆花。
因為愛睏花，開車載去踅踅咧，想講看伊會睏未。
結果竟然開去大寮，斡去後庄車頭，真心適。

昨日六月初二，拜四。透早就為著後禮拜一代班走傱
結果姑不而將，共我的帳號予代班共用。
下晡竟然主管辦公室攏走了了，無一个鎮殿。
我欲揣人討論後禮拜主持，攏揣無人。

六月初一拜三，早時較閒，我盡量共產品資料款好
下晡臨時通知三點半開會，
高老二毋知公司生態，做代誌傷軟，閣想欲用強硬的來
結果想無齊到，強蛇煞予資深閣摮的地頭龍洗面
有淡薄仔像電影功夫彼幕共款
因為攸關全公司員工職務，雙方想法咱大約攏看有，
只是做主管愛顧慮的是員工的權益閣感受，才是好公司。
咱閣上一課矣。

標籤:

瀏覽次數:212 人氣指數:392 累積鼓勵:9

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：