2022.5.7-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.4.16 《前一篇

後一篇》 2022.5.15

回應

給他日記貼紙

給他愛的鼓勵

檢舉

篇名: 2022.5.7
作者: C	日期: 2022.05.07　　天氣: 　心情:

今仔日是五月初七，禮拜六。我佇葛雷多摸非。
經過十外年，嘛閣想欲祝伊一聲生日快樂。
佇心肝頭一个放未袂記的堅疕。
婚姻幸福有當時和愛情甜蜜無一定有關係，要在做法。
愛情需要"捌代誌、負責"來支持，若無，攏是假的。
若有，普通的婚姻關係嘛是會當誠幸福。

誠久無來寫日記矣。簡單記事就好：
5/6(五)停產產品回歸轉來。
中晝阿姐紮好料來，飯店的料理，暗時食腥臊。
去五金行問有機肥，因為阿爸叫我明仔日去花市買肥。
暗時囡仔欲表演，聽太太講彈了上好，誠歡喜。
綴太太去圖書館還冊，暫時先莫閣借。
5/5(四)透早我就先消毒揉塗跤，通好借人用。
5/4(三)仝樓的講明仔日欲來借場地，我下晡就先清寡糞埽。
下晡看人講電腦欲按怎上班管理產品，抑是查某同事較斟酌，會曉提出問題。
5/3(二)早會猶免開。但是昨昏的會議結果是為著防疫，逐个攏愛走班。
5/2(一)捌人補假，我愛上班，閣先連開兩會。一個是防疫，一個是冷氣。
佳哉一批暫時停產，免遐無閒。
下晡太太欲轉來，我先載學姐去捷運站坐車，太太囡仔亦拄好佇遐等。
轉去前先踅過去買豬跤，轉去予阿爸食。
5/1(日)這兩禮拜羅伯攏無開，我攏來葛雷多摸非。誠久無來。咖啡機歹去，攏食泡的特調，轉去攏落屎。
在阿母去園裡揣阿爸，答應伊後禮拜才閣來除草。
中晝食公司對面鴨肉飯閣一碗綜合湯。料傷韌，阿母無法度餔，後擺點鴨肝湯就好。
4/30(六)太太佮囡仔去竹山耍三日。我無綴路，我載阿爸阿母去舊厝看後埕起火情形。
應該是隔壁擲薰頭仔引起的。
4/29(五)新曆大日收著三件禮物：
第一個禮物是高老二就我愛做出停產一禮拜的產品計畫。
第二是草地里長敲電話講舊厝後壁著火。
下晡收著蔡楊兩位同事開會...是提點心佮飲料啦。
暗時先取囡仔去學琴，太太來換手顧，我行去買雞卵糕。註明愛50的蠟條。

4/28(四)

4/27(三)舊曆大日，下晡先轉去厝裡欲載阿爸阿母，毋過阿爸無知頭尾，猶咧拖，
我袂赴載學姐，先共伊講歹勢。載阿爸阿母去接囡仔下課，
了後直接先去公園予囡仔耍。倚欲五點半去河邊山姐姐食暗頓。
這擺點馬告湯。
食了無較貴，加點幾若項，才加千外箍嘛會和。

標籤:

瀏覽次數:185 人氣指數:365 累積鼓勵:9

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：