2022.2.27-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.2.26 《前一篇

後一篇》 2022.2.28

回應

給他日記貼紙

給他愛的鼓勵

檢舉

篇名: 2022.2.27
作者: C	日期: 2022.02.27　　天氣: 　心情:

今仔日是二月二七禮拜日，我佇羅伯摸非。
今仔日睏過頭矣。昨暝咳嗽歹睏，起床兩擺
頭一擺十二點外，第二擺四點外。
太太講叫我去看予好，無會烏白穢。

昨昏透早摸非煞，買早頓轉去，囡仔已經起床，
排好鐵枝路耍，我閣陪伊彈大鋼琴。
太太欲洗衫，倚晝欲取阿爸阿母陪囡仔去翕畢業相的全家福。

欲出門時，毋是囡仔拖時間，就是阿爸跤手慢
相館佇內惟，開車十外分鐘。服務誠親切。
佇遐，猶有看著同學，佮一个老師取伊的囡仔嘛來翕。
翕了想欲去岡山之眼看，
先佇附近揣食中晝，去伊間賴桑壽司店食日本料理。
無俗，嘛袂外夭壽貴。因為兩盤刺身、三盤炒飯，兩个豆皮壽司，一碗章魚醋，佮五碗味噌
四个大人，伊个囡仔，攏總食千五箍
食了靠導航揣岡山之眼。
因為落燕巢，揣規晡，攏行小路，
太太佇後壁一直講行毋著。結果無毋著
到遐，車袂當起去，愛換接駁車。
我剪一台七人坐的計程車，五个人愛二仔五。
司機講伊毋是黃牛，是配合載人客的啦。
伊直接載去買票所在，阮攏總兩張全票，兩張老人半票。囡仔免錢。總仔共仔百八
行起去空中廊道，真心適。
位頂頭看落去確實有媠，水庫佮阿公店溪附近攏一片青翠，
佮有看著高鐵經過，囡仔歡喜甲，一直鏘鏘、鏘鏘。
雖然無偌明，日頭猶真軟，若無趕時間，佇頂頭會當坐一晡。
落來了，囡仔想欲食冰，買三枝一百
佇遐坐落來，太太佮買三包五百箍的果子乾坐四秀仔公家食。
彼咧小姐真摮招呼，佮真貼心，會出來照顧老人囡仔坐椅仔。
人嘛媠媠仔。
坐咧食一睏了，佮坐計程車轉去森林公園第二停車場，我身軀無紮錢，予阿母出二仔五
開車順路出去，就到岡山農校邊仔的省道，路加足大、加足緊。
太太本來講欲去囡仔坐火車，毋過阿爸講欲先去園裡看。
就先向北去園裡，看了，用太太的卡加油，九百外。
經過岡山火車頭，予伊和囡仔先落車，我駛省道轉去。
毋想到博愛路塞車塞甲。
轉去了，我先共衫提出來披。
暗頓時，太太講伊和囡仔佇711
叫我騎機車共載，順紲載咖啡。

標籤:

瀏覽次數:207 人氣指數:207 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：