2021.12.11-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.04 《前一篇

後一篇》 2021.12.12(日)

回應

給他日記貼紙

給他愛的鼓勵

檢舉

篇名: 2021.12.11
作者: C	日期: 2021.12.11　　天氣: 　心情:

今仔日是十二月十一日禮拜六，我佇厝裡摸非。
今仔日是囡仔的學校活動日，欲佇大埤湖辦。較停仔欲開車載某囝去。
昨昏閣做裁判，原以為真簡單，結果煞比選手閣較緊張。因為攏閣愛想問題來提問。

早起無出去摸非，趁太太早時抹面叫囡仔，我先落樓款早頓。予阿爸阿母。
先燃燒水，膈泡咖啡，炊包仔，閣泡補體素摻麥仔片，加一寡咖啡粉。感覺誠腥臊。
去大埤湖因為無證件，一車三人攏總三百元。
報到煞，聽開場，取囡仔去便所。做熱身操了，阮算是B組。就位九曲橋開始行。
一路囡仔攏搝同學朋友的手一直行，那行那走那大聲講話喝休，真歡喜的款。
一路看著景，攏會想起細漢，若過年初一時，攏會予阿爸阿母取來遮耍。
太太講伊聽同學老母講，同學若放學轉去，攏會講著囡仔和伊囝佇學校的代誌。
踅一輪了，轉去領便當，是一篋仔點心。
本來想結束欲轉去厝。太太感覺猶真早，想欲去別位。
那開車那想，亦有講欲去美濃、大樹、意有講欲去橋仔頭。
結果講欲去旗山。因為有火車頭、有冰、閣有糖仔。
殘殘共開上高速，往旗山方向開去。
停佇收費停車場，問一位拍球的少年家，伊講火車頭就位遮行去到底越正手爿就是。
沿路行，行到菜市仔，逐項攏想欲買，因為腹肚枵，就先行去食顧身體的當歸鴨肉麵線。開180元。
閣去火車頭看商品，無啥通買，就講欲去食冰。
囡仔揀一枝奢仔冰，35元。太太和我點一碗芋冰和一杯咖啡，攏總130。
食完，就去邊仔國校仔耍，先買一粒高麗菜60。
囡仔講欲走運動埕，我就陪伊走一輪。
伊閣買一盆仙人掌20。
行轉去路邊買弓蕉，第一擺看著無共款的弓蕉，結果買美人蕉、佛手蕉、蛋蕉、蘋果蕉四項攏總250
閣共頭家交關白菜頭30。
回程時太太一職揣無便所，攏愛排隊排真久，所以尾仔停佇路邊加油站去便所。
上車了無偌久囡仔就睏矣。
到厝了我抱仔上樓，和阿爸阿母講一下仔話，就出來羅伯摸非。
佇遮寫日記。

12.10(五)做裁判，買囡仔簡章。下晡先載學姊去取囡仔，結果顛倒愛閣踅一輪，真了時間。
12.9(四)

標籤:

瀏覽次數:177 人氣指數:177 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：