2021.12.04-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,547,854 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.11.27 《前一篇

後一篇》 2021.12.11

回應

給他日記貼紙

給他愛的鼓勵

檢舉

篇名: 2021.12.04
作者: C	日期: 2021.12.04　　天氣: 　心情:

今仔日是十二月初四，禮拜六，我佇羅伯摸非。
誠緊，又閤是一禮拜過矣。十二月矣。
頂禮拜這時猶咧無閒典禮。
簡單記一下仔流水數：
11/27(六)典禮主持。煞了，轉厝載某囝去台中。晏時取去食客家菜。彼暗睏三樓。
11/28(日)中晝食了才出發，往苗栗去。本來導航揣好的路線，因為聽某喙，加踅真遠。
先去三義，去勝興車頭，我閤買一枝口琴，囡仔第一擺看著"川劇變臉"的表演。一開始看著面具猶會驚，無偌久就袂驚矣。
紲落來前往飯店，訂的是大湖湯神。無知按怎踅，有夠遠。尾仔猶是揣到。
看著熟似的場景，想著幾年前取囡仔來的情形，感覺特別親切。
這擺住較大間。囡仔真興，遮也欲耍，遐也欲耍，先佇房間落水，去食飯，食了才入來泡。
伊第一擺有感覺泡溫泉。細漢時彼擺伊猶無知人咧。伊第一擺穿游泳衫落水，感覺真心適。
11/29(一)早起我先起床，出去食薰看風景。透早七點的雲猶真厚，無偌久閤看，慢慢變薄向山跤落去，閤過一站仔，就攏消散。
食早頓了，伊閤講欲泡大眾池，我就取伊去，順紲買一頂游泳帽仔，和伊做伙泡。
透早公共浴池人就袂少。囡仔感覺上是閤愛閤驚，亦大概是想展風神，欲予人知影伊穿新衫游泳的款。
因為泡久，伊會喙焦，閤叫我轉去幫伊提茶鈷來。
泡了候，起身轉去，閤講欲耍乒乓。所以閤取伊去櫃台借球。這嘛是伊第一擺拍乒乓。
但是由袂曉，傷細漢，伊講伊"還不太會發球"無偌久就袂心適矣。
閤講欲耍撞球，但是櫃台講危險，球會飛落來敲著車，所以無提供。
退房了候講欲去挽草莓。先去草莓文化館，買一寡伴手等路，講欲送予同事和囡仔老師。
囡仔看著草莓冰，但是阮毋買，閤想欲買草莓爆米花，某本來毋買，但是我講予囡仔滿足一下興奮的心情較好。
沿路草莓園竟然攏沒開。真無簡單才看著一間，隨停車來問。
頭家講這碼事第一期，猶未大出，嘛較貴，一斤四百。
為著予囡仔心適體驗，嘛是取伊櫸鉸刀學園仔，某講愛看規粒攏無白白才鉸。莫烏白鉸，無彩。
這毋但是囡仔頭一擺，嘛是我第一擺挽草莓。
結果開兩百。
轉去一路換某開車。又擱踅真久才揣有三義交流道。
高速公路換我開，就直接駛一號轉去。
駛一號時和三號無共款，車較濟，我嘛無熟似所以誠緊張，攏毋敢超速佮盹龜。
到西螺服務站時，欲無油矣，竟然無加油站，只好閣落去交流道加油。

這擺度假，予囡仔有真濟第一擺的新體驗。

11/30(二)本來因為愛開會，欲麻煩某送囡仔去學校，結果囡仔竟然講"爸比等我"
就隨起床換衫，等伊好才做伙出門，嘛害我開會閣傷晏。
12/01(三)規日較閒，無啥工課，只有簡單做一寡代誌，浪費一日，毋好。
12/02(四)學姊敲電話來相約中晝講話。伊這禮拜開始閣轉來公司邊仔上班。
12/03(五)透早做評審，提早出門。因為另外主審因為看好的選手表現失常，變成第二，
另外彼位較穩，但是缺點較歹改，後山也較硬，另日欲訓練，應該真頭痛。
下晡學姊較握載伊去高鐵站。了後才去接囡仔，老師問我敢欲予囡仔報名提早入學考試。
我講會考慮看覔。其實我感覺毋免較好，就予伊正常發展，自然就好。

這是這禮拜大約情形。昨暝又擱頭痛，痛倒爿，前幾日是痛正爿，彼工連續食兩粒止痛藥。
停仔模非煞才轉去食藥仔。

標籤:

瀏覽次數:199 人氣指數:399 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：